د ښاري اوبو رسولو او
فاضلابو دولتي شرکت لوی رئیس ښاغلي انجنیر نعمت الله احمدي د فاریاب ولایت د
اندخوی ښار اوبو رسولو له مسئولينو او یوشمېر کارکوونکو سره وليدل.
په دې ليدنه کې، د
اندخوی ښار اوبو رسولو مسئولينو د اوبو رسولو خدماتو په برخه کې خپل نظرونه،
وړانديزونه، ستونزې او نیمګړتياوې په ګوته کړې. د شرکت له مشرتابه څخه یې د ستونزو
په حلولو کې د هراړخيزو همکاريو غوښتنه وکړه.
د اوبو رسولو شرکت لوی
رئیس ښاغلي انجنیر نعمت الله احمدي د اندخوی ښار اوبو رسولو مسئولينو او کارکوونکو
د راپورونو، ستونزو او نظریاتو له اورېدو وروسته، په دې ولایت کې د اوبو رسولو
خدماتو ښه والي په موخه لازمې پرېکړې وکړې او هم یې اړوندو مسئولينو ته اړينې لارښوونې
وکړې.