د اوبو رسولو شرکت اداري پلاوي غونډه ترسره کړه
1400-08-17
درینۍ 17 لړم 1400
د ښاري اوبو رسولو او فاضلابو
دولتي شرکت اداري پلاوي غونډه د دغه شرکت لوی ریاست رئیس ښاغلي انجنیر نعمت الله
احمدي په مشرۍ او د شرکت د رئیسانو او آمرینو په ملتیا د شته ستونزو حلولو او د
شرکت د مختلفو برخو ترمنځ د کاري همغږۍ او تېزوالي په موخه غونډه ترسره شوه.
پدغه غونډه کې چې د سپېڅلي قران د
څو مبارکو ایتونو په تلاوت پیل شوه؛ د اوبو رسولو شرکت لوی رئیس انجنیر نعمت الله
احمدي د اوبو رسولو چارو په تېزوالي او د دغې ادارې مختلفو برخو ترمنځ په همغږۍ
ټینګار وکړ، د ستونزو په حلولو کې یې ورته
اداري غونډې موثرې وګڼلې او په منظمه توګه یې د دا ډول غونډو په دایرېدو ټینګار
وکړ. ورپسې بیا د شرکت رئیسانو او آمرینو د غونډې اجنډا مطابق موضوعات په ترتیب
سره په مفصله توګه وڅېړل چې د خبرو اترو وروسته د شرکت رهبرۍ لخوا د یادو موضوعاتو
لپاره لازمې پرېکړې ونیول شوې.