د ښاري اوبو رسولو لوی رئیس د کابل زون د پېرودونکو چوپړونو له څانګې کتنه وکړه
1400-09-14
یونۍ د لیندۍ 14مه 1400
د ښاري اوبو رسولو او فاضلابو دولتي شرکت لوی رئیس ښاغلي انجنیر نعمت الله
احمدي د کابل ښار پېرودونکو چوپړونو څانګې کارکوونکو او پېرودونکو؛ ستونزې،
شکایات، آندونه او وړانديزونه واورېدل.
په دې کتنه کې چې د شرکت عملیاتي رئیس او تخنيکي چارسمبال رئیس
ښاغلی انجنیر میرویس نظيمي هم ورسره مل و، د ډېټابېس، بېلونو او نورو څانګو له
څارنې وروسته، د یادو څانګو په اداري چارو کې یې په دقت، رونټیا او چټکتيا ټينګار
وکړ.
همدارنګه د شرکت لوی رئیس یو شمېر پېرودونکي، چې اداري او تخنيکي ستونزې یې
لرلې، له نژدې وليدل او د هغوی ستونزې یې حل کړې.
په پای کې د شرکت لوی رئیس د يادو څانګو د اجرااتو څرنګوالي راپور له
اورېدنې وروسته د اوبو رسولو په ځانګړي ډول د پېرودونکو چوپړونو او د چارو د لا ښه
والي په اړه لازمې لارښوونې وکړې.