لیندۍ 16 مه 1400
د لوگر ولایت پل علم ښار د پایخېلو سيمې اوبو رسولو پروژه
د لوګر ولایت مقام مرستیال ښاغلي مولوي انعام الله صلاح الدین، د ښاري اوبو رسولو
او فاضلابو دولتي شرکت لوی رئیس انجنير نعمت الله احمدي او د
COAR (افغاستان لپاره د مرستو همغږۍ موسسه) خیریه
موسسې استازي لخوا، چې د دې ولایت سپينږېرو او یو شمېر اوسېدونکو ګډون کړی و، د
ځانګړې غونډې په ترڅ کې رسماً پرانېستل شوه.
غونډه د قرآن مجید د څوو مبارکو آیاتونو په تلاوت سره پیل
شوه.
په پیل کې، د لوګر ولایت مقام مرستیال ښاغلي مولوي انعام
الله صلاح الدین د دې ولایت اوسېدونکو ته د اوبو رسولو شرکت د اوبو رسولو چوپړونو،
د دې پروژې پلي کېدو په موخه د یونيسېف نړیوالې ادارې او د کوار خیریه موسسې له
همکارۍ مننه وکړه. هغه زياته کړه؛ د ا.ا.ا هڅه کوي ترڅو د نړيوالو بنسټونو په
همکارۍ، ورته ټول ګټې پروژې په لوګر ولایت کې پلي کړې.
ورپسې، د ښاري اوبو رسولو او فاضلابو دولتي شرکت لوی رئیس
ښاغلي انجنیر نعمت الله احمدي د يادې پروژې د جزئیاتو په اړه معلومات وړاندې کړل.
دا پروژه کابو د 7.5 میلیونو افغانیو په لګښت د یونېسېف نړیوالې ادارې لخوا تمويل
شوه، چې د ښاري اوبو رسولو او فاضلابو دولتي شرکت، د ډاکار، یونېسېف او هبېټاټ
ادارو تر څارنې لاندې، د کوار خیریه موسسې له لوري په درې نيمو میاشتو کې پلې شوه.
همدارنگه د اوبو رسولو شرکت لوی رئیس زیاته کړه: د دې شبکې
ټول اوږدوالی 4.7 کيلو مټره ده، چې په مټ يې 350 کورنیو د څښاک پاکو اوبو ته
لارسرسی پیدا کړ.
غونډه د پټۍ په پرېکولو او د خير په دعا پای ته ورسېده.