د معیاري کولو، چاپیریال
ساتنې او فاضلابو د مدیریت په موخه په کابل ښار کې د فاضلابو د تصفیه خونو سېستم د
ښاري اوبو رسولو او فاضلابو امارتي شرکت لوی ریاست له لورې تر څارنې او ارزونې
لاندې ونیول شوې.
د ښاري اوبو رسولو او
فاضلابو امارتي شرکت لوی رئیس ښاغلي مولي غلام الرحمن کظیم او د فاضلابو د چارو رئیس
ښاغلی فایق الله جمال د فاضلابو د چارو یو شمیر انجنیرانو په ملتیا د ( ترسټ لایټ،
ګرین روټ او نوي صفا) خصوصي تصفیه خونو څخه په فزیکی (ABR)
بیولوژیکی (AF) کیمیاوی (PGF) او سیټ لر څانګې تر څارنې او ارزونې لاندې ونیولې.
د شرکت عمومي رئیس او د
فاضله موادو د چارو رئیس د تصفیه خانو سیستم د ارزونې په ترڅ کې د تصفیه خانو په سیستم
کې د ځینو نواقصو په لرې کولو ټینګار وکړ او یادونه یې وکړه: د فاضله اوبو معیاري
تصفیه، د ترلاسه شویو اوبو څخه سمه ګټه اخیستنه، د چاپیریال ساتنه، د سطحي اوبو او
د ځمکې لاندې زیرمو د ککړتیا مخنیوی د تصفیه خانې سیسټم په رامینځته کولو کې یو له
اصلي عناصرو څخه دی ، او د فاضله اوبو د تصفیه کولو ټولي تصفیه خانې باید دا اصول
په پام کې ونیسي.
د یادونې وړ ده چې یادې
تصفیه خونې د ورځې پنځه زره متر مکعب ککړې اوبه له کابل ښار څخه راټولوي او له تصفیې
وروسته یې له پاکو اوبو څخه په کرنیزو څانګو کې ګټه اخلي.