خبرونه

د ښاري اوبو رسولو او فاضلابو امارتي شرکت لوی رئیس ښاغلي مولوي غلام الرحمن کظیم د کابل زون ریاست له عملیاتي آمر او د یاد ریاست د کابل ښار د اته ګونو زونونو له آمرینو سره وکتل.

په دې لیدنه کې د کابل زون ریاست عملیاتي آمر ښاغلي قاضي امین الله سلطاني د دې امریت د کړنو په اړه معلومات وړاندې کړل او زیاته یې کړه: د کابل ښار د اته ګونو زونونو کارمندان د شپې او ورځې هڅه کوي تر څو د اوبو رسولو شرکت پيرودونکو ته ښه خدمات وړاندې کړي.

په دوام کې د ښاري اوبو رسولو او فاضلابو امارتي شرکت لوی رئیس ښاغلي مولوي غلام الرحمن کظیم د مسؤلینو د نه ستړې کیدونکو هڅو ستاینه وکړه او کابل ښاریانو ته د لا ښو خدماتو وړاندې کولو په اړه یې زیاته کړه: د خدماتو پراختیا او د مؤثرو خدماتو وړاندې کول دوامداره هڅو او نوښت ته اړتیا لري؛ نو په د اساس هر فرد باید په خپل کاري چاپيریال کې خپل مسؤلیت په ښه توګه ادا کړي.

همدارنګه د شرکت لوی رئیس وویل په نږدې راتلونکي کې به د ټولو زونونو څخه له نږدې لیدنه وکړي او د دوي وړاندیزونه او ستونزې به حل کړل شي.