د اوبو رسولو امارتي شرکت اجرایوي رئیس سره اوبو رسولو خصوصي شرکتونو د اتحاديې غړو ناسته
1403-11-25
د ښاري اوبو رسولو او فاضلابو امارتي شرکت
اجرايوي رئیس د اوبو رسولو خصوصي شرکتونو اتحاديې له غړو سره ولیدل.
د یادې ناستې په پيل کې د اوبو رسولو خصوصي
شرکتونو اتحاديې رئیس نعمت الله سردارزاده د اوبو کمښت، اقلیمي بدلونونو او د ځمکې
لاندې اوبو ښکته تللو او د نظام له لورې د اوبو د تعرفو د احتمالي ورته کولو په اړه
وغږید، او په دې توګه یې د ښاري اوبو رسولو او فاضلابو امارتي شرکت څخه د مرستې غوښتنه
وکړه.
د ناستې په دوام کې د شرکت اجرايوي رئیس ښاغلي
مولوي غلام الرحمن کظیم ډاډ ورکړ چې دا شرکت به تل د خصوصي شرکتونو ملاتړ کوي او د
دې اتحاديې په مرسته به د هغو اوبو رسولو خصوصي شرکتونو مخه ونيسي چې د خلکو له
مجبوريت څخه سؤ استفاده کوي په هغوي د اوبو لوړې تعرفې وضعه کوي.
همدارنګه د شرکت اجرايوي رئیس زیاته کړه: مونږ
د اوبو رسولو په برخه کې د خصوصي سکتور او پانګه والو هرکلی کوو او په دې برخه کې
هر ډول مرستې ته چمتو یو.