.jpeg)
.jpeg)
پنځنۍ 9 مرغومی 1400
د شرکت اداري پلاوي غونډه د شرکت
لوی رئیس انجنیر نعمت الله احمدي په مشرۍ او د دغه شرکت اداري پلاوي غړو په ګډون
ترسره شوه.
پدې غونډه کې چې د الله تعالی
کلام په څو مبارکو ایتونو تلاوت پیل شوه، د ښاري اوبو رسولو او فاضلابو دولتي شرکت
لوی رئیس انجنیر نعمت الله احمدي د غونډې ګډونوالو ته د هرکلي ویلو سره سره زیاته
کړه چې؛ د ښاري اوبو رسولو او فاضلابو دولتي شرکت یوه خدماتي اداره ده چې د څښاک
اوبو اړوند د خلکو ستونزو حلولو، د شرکت اوسني حالت ښه والي او د اوبو رسولو شبکو
پراختیا په موخه موثره پلي کېدونکو طرحو ته اړتیا لري.
لوی رئیس د اداري پلاوي له محترمو
غړو وغوښتل چې که د شرکت موخو ته د رسېدو لپاره هره اغېزمنه طرح لري باید د شرکت مشرتابه
سره یې شریکه کړي. د شرکت لوی رئیس د نړیوالو ډونرانو جلبولو اړوند هم خبرې وکړې.
ورپسې بیا؛ د شرکت رئیسانو او امرینو
په ترتیب سره د ځینو موضوعاتو لکه مالي او تخنیکي، قراردادونو، د 1401 مالي کال ګمارنو،
د دولتي ادارو لپاره د فاضلابو تصفیو سیسټمونو ډیزاین بیا پیلولو او د کابل ښار 12
مې او 22 مې ناحیو اوبو رسولو پروژې چې د عامه او خصوصي ګډون له لارې پلي کېږي،
اړوند خبرې وکړې چې د اندونو او وړاندیزونو راټولولو وروسته لازمې پرېکړې ترسره
شوي.