.jpeg)
.jpeg)
.jpeg)
پنځنۍ چنګاښ 30مه 1400
د موثرو چوپړونو، ستونزو ته د
رسېدنې، عوایدو راټولولو او د شرکت اداري چارو ته د رسېدنې په موخه د اونیزو اداري
غونډو په دوام، یو ځل بیا ددې اونۍ اداري غونډه د شرکت لوی رئیس ښاغلي انجنیر نعمت
الله احمدي په مشرۍ او د شرکت مرکزي رئیسانو او آمرینو په شتون کې ترسره شوه.
پدې غونډه کې چې د قران شریف څو سپېڅلو
ایتونو په تلاوت سره پیل شوه؛ د ښاري اوبو رسولو او فاضلابو دولتي شرکت لوی رئیس
انجنیر نعمت الله احمدي وویل: د اوبو رسولو شرکت موخې واضحې دي او دغو موخو ته د رسېدنې
لپاره باید له هیڅ ډول کوښښه درېغ ونکړو.
همدا راز، د شرکت لوی رئیس د هوا
ګرمېدل او څښاک اوبو ته د ښاریانو د اړتیا لوړاوی ته په پام، ټولو مسئولینو ته د اوبو
په وېش کې د ځنډ او د اوبو د تولید او وېش په ګړیو کې د ګډوډۍ څخه د مخنیوي
لارښوونه وکړه او له خپل اړخه یې د شرکت تخنیکي او اداري ستونزو ته په ژر رسېدنه
کې د همکارۍ ډاډ ورکړ.
د شرکت لوی رئیس د ځینو موضوعاتو
لکه؛ د کندهار ښار په ځینو برخو کې د څښاک اوبو ته نه لاسرسي، ورځنیو چارو ته پروخت
د رسېدنې او د لوړو چوپړونو په موخه د عوایدو په ژر راټولولو خبرې او لازمې لارښوونې
وکړې.
ورپسې بیا؛ د شرکت مرکزي رئیسانو
او آمرینو پخپل وار د غونډې اجنډا کې شته موضوعاتو ( د قراردادونو نوي کول، د شرکت
اضعافي جنسونو د ساتنې په موخه د ګودامونو جوړول او د پېرودونکو چوپړونو په تګلاره
کې د نویو قانونونو د تعدیل او بدلونونو) په اړه خبرې وکړې چې په پای کې د غونډې
ګډونوالو لخوا لازمې پرېکړې ترسره شوې.