د اوبو رسولو شرکت د وړانديز او د ا.ا.ا ماليې وزارت محترم مقام په منظورۍ ښاغلی انجنیر شفیع الله زاهد د کابل زون د اوبو رسولو رئیس په توګه و ټاکل شو.
دا د پېژندنې مراسم چې د اوبو رسولو شرکت رئیسانو، آمرینو او یو شمېر کارمندانو به ګډون تر سره شول، پیل یې د قرآن عظیم الشان د څو مبارکو آیاتونو په تلاوت سره وشو. د مقام دفتر عمومي آمر ښاغلي احمدشاه ظفر نوي ټاکل شوي رئیس ته د مبارکۍ ویلو ترڅنګ زیاته کړه: د کابل ریاست د اوبو رسولو شرکت یو له مهمو ریاستونو څخه دی او انشاالله چې د انجنیر شفیع الله زاهد په وړتیا او تدبیر سره به په ښه توګه رهبري شي.
ورپسې محترم انجنیر شفیع الله زاهد د شرکت له مشرتابه څخه د مننې تر څنګ ژمنه وکړه چې د سالم، روڼ او اغیزمن مدیریت په برخه کې به له هیڅ ډول هڅو دریغ نه کوي.
په پای کې ګډونوالو په وار سره ښاغلي انجنیر شفیع الله زاهد ته د نوې دندې مبارکي وویله او په کارونو کې یې د لا بریالیتوب غوښتنه وکړه.