د ښاري اوبو رسولو او
فاضلابو دولتي شرکت مدیره پلاوي غونډه د دغه شرکت د مدیره پلاوي رئیس نعیم الدین عمر په مشرۍ او د اوبو رسولو شرکت لوی رئیس انجنیر نعمت الله
احمدي، د اقتصاد، د کور او
ښار جوړولو له وزارتونو او د دولتي شرکتونو له ریاست څخه د مديره پلاوي غړو او د اوبو رسولو شرکت رئیسانو او آمرینو په ګډون
د دولتي شرکتونو د غونډو په
تالار کې ترسره شوه.
په دې غونډه کې چې د قرآن
کریم څو مبارکو آیتونو په تلاوت سره یې پیل وموند، د ښاري اوبو رسولو او فاضلابو
دولتي شرکت لوی رئیس انجنیر نعمت الله احمدي ګډونوالو ته د هرکلي ویلو ترڅنګ، په
اجنډا کې شته موضوعات په تفصیلي بڼه تشرېح او د شرکت د اقتصاد لوړاوي بنسټیزې لارې
چارې یې په ګوته کړې.
ورپسې بیا د شرکت مدیره
پلاوي رئیس او غړو د ترانسپورت، د شرکت جایدادونو او قراردادونو، د معاشونو نورم او د پېرودونکو
چوپړونو په کړنلاره کې د قوانينو په تعدیلولو او ورډېرولو په اړه بحث او خپل اندونه وړاندې کړل چې په پای کې د
شرکت مدیره پلاوي رئیس، د دغه پلاوي غړو له لورې د وړاندې شویو مواردو په نظر کې نیولو
سره وروستۍ پرېکړې او پرځای لارښوونې ترسره کړې.