د ښاري اوبو رسولو او فاضلابو دولتي
شرکت د مدیره پلاوي ناسته د اوبو رسولو د شرکت د مدیره پلاوي رییس ښاغلي نعیم الدین
عمر په مشرۍ او د اوبو رسولو د شرکت عمومي رییس ښاغلي انجنیر نعمت الله احمدي، د ښارجوړونې
او مسکن او اقتصاد وزارتونو څخه د مدیره پلاوي درنو غړو، د دولتي شرکتونو ریاست او
د اوبو رسولو د شرکت رییسانو او آمرینو په حضور کې د دولتي شرکتونو د ناستو په
تالار کې جوړه شوه.
ناسته چې د کلام الله مجید په څو
مبارکو آیتونو پیل شوه؛ د ښاري اوبو رسولو او فاضلابو دولتي شرکت عمومي رییس ښاغلي
انجنیر نعمت الله احمدي په اجنډا کې شته موضوعاتو باندي په تفصیل سره خبرې وکړې، هېوادوالو
ته یې د اوبو رسولو د غوره خدمتونو اړوند وړاندیزونه ارزښتمن وګڼل زیاته یې کړه: د
اوبو رسولو دولتي شرکت هېوادوالو ته د څښاک روغتیایي اوبو چمتو کولو او اوبو رسولو
د شبکو پراختیا په موخه په دې هڅه کې دی، چې د نړیوالو مرستو راجذبولو او د شرکت د
عواېدو لوړولو لپاره بنسټیزې برنامې پلي کړي.
د ناستې په دوام د شرکت د مدیره
پلاوي رییس او درنو غړو په ځینو مواردو لکه د ۱۳۹۳ څخه تر ۱۴۰۱ مالي کال د بیلانسونو د څېړلو په موخه د مفتیشینو ګمارلو، مشترکینو
ته د خدمتونو د طرزالعمل ځینو موادو تعدیلولو، د شرکت د جایداد د قرارداد کولو او
لګښت کولو څرنګوالي باندې بحث او خبرې اترې وکړې، چې په پای کې د شرکت د مدیره
پلاوي رییس د مدیره پلاوي درنو غړو وړاندیزونو ته په کتو ورستۍ پرېکړې او اړینې
لارښوونې وکړې.