د ښاري اوبو رسولو دولتي شرکت لوی رئیس د سرپل ولایت اوبو رسولو شبکو، تاسیساتو او تولیدي سرچینو څخه لیدنه ترسره کړه.
1402-08-27
د جوزجان ولایت شبرغان ښار د اوبو رسولو
پروژې له افتتاح څخه وروسته د ښاري اوبو رسولو او فاضلابو دولتي شرکت لوی رئیس، مل
پلاوی او د شمال زون د اوبو رسولو رئیس په ملکرتیا د سرپل ولایت د اوبو رسولو
شبکو، تاسیساتو او تولیدي سرچینو څخه لیدنه ترسره کړه.
د شرکت لوی رئیس ښاغلي انچنیر نعمت الله
احمدي د شرکت پرمختګ د خدماتو پراختیا، نویو مثمر پلانونو او طرحو د تطبیق په موخه
د سرپل ولایت د اوبو رسولو مسؤلینو او کارمندانو سره ولیدل.
د شرکت لوی رئیس د کارمندانو نظرونو، وړاندیزونو او ستونزو له
اوریدو وروسته وفرمایل: د نړیوالو معیارونو مطابق د ورځنیو چارو تنظیم، کوښښ،
صداقت او په چارو کې شفافیت د کاري بهیر چټکتیا او د ښو خدماتو وړاندې کولو اصلي
عناصر دي، او زیاته يې کړه: د جمعیت ډیرښت، وچکالي او د صحي اوبو نه موجودیت د
شرکت د پرمختګ پروړاندې پراته خنډونه دي، چې د نویو پلانونو طرحه کولو، عصري
وسایلو نه په ګټې اخستنې او د مسؤلینو په اراده به د یادو ستونځو او خنډونو په
لمنځه وړلو بریالي شو.