د ننګرهار ولایت د جلال آباد ښار د اوبو رسولو پروژه د ختیځ زون د اوبو
رسولو رييس، د دې ولایت د دولتي ادارو مسوولینو او استازو، متنفذینو، مشرانو او
ځینو اوسېدونکو په شتون کې انجنیر نعمت الله احمدي رسماً پرانیسته او ګټې اخیستنې
ته یې وسپارله.
د ښاري اوبو رسولو او فاضلابو دولتي شرکت لوی رییس ښاغلي انجنیر نعمت الله
احمدي د یادې پروژې په پرانیستنه کې د پاکو صحي اوبو دکارولو په څرنګوالي خبرې
وکړې، له هېوادوالو یې وغوښتل چې د اوبو په سپما او پر وخت یې د لګښت په پرې کولو
کې خپل مسوولیت ادا کړي.
همدارنګه د شرکت لوی رییس د پروژې د جزیاتو په اړه معلومات وړاندې کړل ویې
ویل: دا پروژه په ټولو وسایلو سمبال شپږ پمپ سټېشنونه له شپږو کلورایزیشنونو سره
لري، چې د (۴۲) میلیونه افغانیو په لګښت د یونیسف محترم دفتر په ملاتړ او د کوار
مووسسې په ملتیا پلې او بشپړه شوه، چې ورسره څه باندې (۵۶۰۰۰) مشترکین له صحي اوبو
څخه برخمن شوي دي.
په پای کې د شرکت لوی رییس ژمنه وکړه چې ډېر ژر به د ګاونډیو ولایتونو لکه
کونړ او نورستان اوسېدونکي هم د څښاک له پاکو اوبو څخه برخمن شي.