د ښاري اوبو رسولو او فاضلابو دولتي شرکت تولیدي او توزیعي مراکزو د سولري کولو پروژې پرانستنه
1402-11-08
د کابل ښار ښاریانو ته د اغیزمنو خدمتونو وړاندې کولو په
موخه کابل ښار کې د ښاري اوبو رسولو او
فاضلابو دولتي شرکت د اوبو د تولید او ویش شپږ مرکزونه د لمریزې انرژۍ د تولید په
سیستمونو سمبال شول.
کابل ښار کې د اووه حلقه څاه
کانو او یو لفټ سټیشن د سولري کولو پروژه د ښاري اوبو رسولو او فاضلابو دولتي شرکت
لوی رئیس ښاغلي انجنیر نعمت الله احمدي له لورې، د کابل زون رئیس، مخورو او د
خواجه رواش ښارګوټي محترمو اوسیدونکو په حضور کې د یو لړ مراسمو په ترڅ کې افتتاح
او ګټې اخیستنې ته وسپارل شوه.
د ښاري اوبو رسولو او
فاضلابو دولتي شرکت لوی رئیس ښاغلي انجنیر نعمت الله احمدي د اقلیمي بدلون په سیمه
او په ځانګړې توګه زمونږ په هیواد کې د هغې د پام وړ اغیزو په اړه خبرې وکړې او څښاک
د صحي اوبو په سپما او سمې استفادې یې ټینګار وکړ.
دغه راز د پروژې د پرانستې
پرمهال د شرکت لوی رئیس د یادې پروژې د جزیاتو
په اړه معلومات ورکړل او زیاته يې کړه: د ۱۶۳۵ سولر تختو په کارول سره به 874 کیلوواټه بریښنا تولید چې څښاک د صحي اوبو د تولید او ویش په برخه
کې به ترې ګټه پورته شي.
د یادونې وړ ده چې دغه
پروژه د ۷۲ ملیونه افغانۍ په لګښت پلی شوی او په کابل ښار کې به (۱۴۰۰۰) څخه زیات
هیوادوال ترې ګټه پورته کړي.