د ښاري اوبو رسولو او فاضلابو دولتي شرکت لوی ریاست د اجرایوي کمیټې غونډه ترسره شوه
1402-11-10
د ښاري اوبو رسولو او
فاضلابو دولتي شرکت د اجرایوي کمیټې غونډه
د ښاغلي انجنیر نعمت الله احمدي په مشرۍ د اجرایوی کمیټې محترم غړو، مرکزي
رئیسانو او امرینو په حضور د شرکت په مقر کې ترسره شوه.
د غونډې په پيل کې د ښاري
اوبو رسولو او فاضلابو دولتي شرکت لوی رئیس ښاغلي انجنیر نعمت الله احمدي د مرکزي
رئیسانو د ورځنیو کړنو د پلان او راپور ورکولو په اړه خبرې وکړې او د پلانونو پر
وقت تطبیق یې ټینګار وکړ.
په دوام يې د دفتر لوی
امر ښاغلي احمد شاه ضفر د غونډي د مسؤلینو له خوا د تیری غونډې د پریکړو د تطبیق
په اړه لنډ راپور وړاندې کړ.
همدا رنګه د یادې کمیټې
مسؤلینو د شرکت په کچه د کمیټې د فعالیتونو، لاسته راوړنو او د عوایدو د څرنګوالي
په اړه مفصل راپور وړاندې کړ.
په غونډه کې د ترانسپورتي
اسنادو تنظیم،قراردادونو، د مامورینو د مجازاتو او مکافاتو او د اوبو رسولو پروژو
په اړه خبرې وشوې او د اجرایوی کمیټې غړو له لورې اړین تصمیمونه ونیول شول.