د ښاري اوبو
رسولو او فاضلابو امارتي شرکت د مالي بلانسونو د پلټنې په موخه د شرکت په مقر کې د
رهبرئ مقام، مالی او اداري،تجارتي، عملیاتي او تدارکات رئیسانو په کډون د خارجي پلټنې
له استازو سره ناسته ترسره شوه.
ټاکل شوې ده چې د
آمو الک او اشورنیس کابل کمپنۍ د ۲۰۱۴ زیږدیز څخه تر ۲۰۲۳ کال مارچ تر میاشتې پورې
د اوبو رسولو شرکت ټول زونونه او دوهمي واحدنونه موجودي او بررسي کړي، او د خپلو
موندنو پایلې د شرکت لوی ریاست سره شریک کړي.
د ښاري اوبو
رسولو او فاضلابو شرکت لوی رئیس ښاغلي انجنیر نعمت الله احمدي د اوبو رسولو مسؤلینو
له لورې د پلټنې ټیم سره د هراړخیزي مرستي د ډاډ ورکولو ترڅنګ زیاته کړه: له بده
مرغه د ۲۰۱۴ زیږدیز کال څخه تر دې دمه د اوبو رسولو امارتي شرکت په سمه توګه د نړیوالو
شرایطو او معیارنو سره سم ندی ارزول شوی، خو له نیکه مرغه د اوبو رسولو مسؤلینو له
دوامداره هڅو وروسته، ټاکل شوې ده چې د خارجي پلټنې ټیم یاد مسؤلیت پر غاړه واخلي.