د ښاري اوبو رسولو او
فاضلابو امارتي شرکت اجرایوي رئیس ښاغلي مولوي غلام الرحمن کظیم په ټولو وزارت
خانو او امارتي ادارو کې د فاضلابو د غیر متمرکزه تصفیه خونو جوړیدو په اړه د
ا.ا.ا د ریاست الوزرا محترم مقام د حکم د تطبیق د څرنګوالي په اړه د اوبو رسولو
زونونو رئیسانو سره پرلیکه ناسته ترسره کړه.
په یاده ناسته کې د شرکت
اجرایوي رئيس د چارو په چټکتیا ټینګار وکړ، او د زونون رئیسانو سره یې ژمنه وکړه چې
په لنډ وخت کې به د فاضلابو چارو د تنظیم په برخه کې د هیواد د ټولو زونونو اړتیاوو
ته رسېدنه وشي.
په دوام یې د اوبو رسولو
زونونو رئیسانو د فاضلابو د چارو په برخه کې د خپلو لاسته راوړنو او کړنو په اړه
لنډ راپور د شرکت رهبرۍ مقام سره شریک کړ.
په پای کې د شرکت د
فاضلابو چارو رئیس ښاغلي انجنیر فایق الله جمال د پرزنټیشن په وړاندې کولو سره د
فاضلابو د غیر متمرکزه تصفیه خونو د ډولونو، سیستمونو او د جوړولو د څرنګوالي په اړه
معلومات وړاندې کړل.