د ښاري اوبو رسولو او
فاضلابو امارتي شرکت اجرایوي رئيس ښاغلي مولوي غلام الرحمن کظیم د اوبو رسولو شرکت
او یونیسف مؤسسې ترمنځ د لا ښه همغږۍ په موخه د یادې مؤسسه؛ د روغتیا ساتنې، اوبو
او فاضلابو د چارو د څانګې مسؤل ښاغلي رولف سره وکتل.
په پيل د شرکت اجرایوي
رئيس ښاغلي مولوي غلام الرحمن کظیم د فاضلابو د چارو د وضعیت، په ښارونو او نیمه ښارونو
کې د شرکت د امکاناتو او فعالیتونو په اړه معلومات وړاندې کړل او زیاته یې کړه: د
فاضلابو د مدیریت په برخه د ښاري اوبو رسولو او فاضلابو امارتي شرکت طرح شوي پروګرامونه
په پلان کې لري چې د هغې پلی کول کافي اندازه وخت، پانګې او مرستې ته اړتیا لري.
د ناستې په دوام د یونیسف
مؤسسې د روغتیا ساتنې، د اوبو او فاضلابو د تنظیم چارو مسؤل ښاغلي رولف د فاضلابو
د چارو د مدیریت او په ځانګړي توګه په روغتیا ساتنې( حفظ الصحه) د فاضله اوبو د اغیزو
لمنځه وړلو پر ارزښت وغږید او ژمنه یې وکړه چې نه تنها دا مؤسسه بلکې هڅه کوي چې
نور مرسته کوونکي بنسټونه به هم وهڅوي ترسو د فاضلابو د مدیریت په برخه خپلې مرستې د اوبو رسولو امارتي شرکت سره همغږې
کړي.
په پای کې د اوبو رسولو
امارتي شرکت د فاضلابو د چارو رئیس ښاغلي انجنیر فایق الله جمال د غونډې ګډونوالو
ته د پرزنټیشن په وړاندې کولو سره د دې شرکت د فعالیتونو، لاسته راوړنو او پلانونو
په اړه معلومات وړاندې کړل.