د ښاري اوبو رسولو او
فاضلابو امارتي شرکت اجرایوي رئيس ښاغلي مولوي غلام الرحمن کظیم د اوبو رسولو
امارتي شرکت سره؛ د سره صلیب نړیوالې کمیټې (ICRC) د مرستې او همغږۍ
د تفاهم لیک د بیا کتنې په موخه د ICRC کمیټې د پلاوي
سره وکتل.
په دې ناسته د شرکت
اجرايوي رئیس ښاغلي مولوي غلام الرحمن کظیم تیرو کلنو کې د سره صلیب نړیوالې کمیټې
له مرستو څخه د مننې کولو ترڅنګ زیاته کړه: د اوبو رسولو امارتي شرکت یوه خدماتي
اداره ده او د مرسته کوونکو بنسټونو مرستې په حقیقت کې د ملت امانت دي زمونږ هدف هیوادوالو
ته د اوبو رسولو چوپړتیاو د وړاندې کولو پراختیا او دوام دی.
د ناستې په دوام د سره صلیب
نړیوالې کمټې د اوبو او هستوګنې همغږې کوونکې آغلې ویرونیک ویبر د یاد تفاهم لیک
په اړه لنډ معلومات وړاندې کړل چې له دې جملې څخه د کارکوونکو د ظرفیت لوړول، د
اوبو رسولو شبکو، تأسیساتو تجهیز او د پروژو پلی کول د یادولو وړ دي.
په پای کې د ICRC پلاوي د کابل زون اوبو رسولو ریاست د اوبو د ازموینې له لابراتوار
څخه هم لیدنه ترسره کړه.