لغمان ولایت مهترلام ښار کې د دوه نیم میلیونه افغانیو په ارزښت د اوبو رسولو د یوې شبکې د جوړولو چارې پیل شوې.
1404-02-17
نن دوشنبه د لغمان مرکز مهترلام کې د دوه نیم میلیونه
افغانیو په ارزښت د اوبو رسولو د یوې شبکې د جوړولو چارې د لغمان د والي شیخ شېراحمد
حقاني او د ختیځ زون اوبو رسولو رئيس ښاغلي مولوي یارمحمد محمدي په شتون کې پیل شوې.
د ختیځ زون د اوبو رسولو رئیس وویل د اوبو
رسولو یاده شبکه د ښاري اوبو رسولو او فاضلابو امارتي شرکت له داخلي بودیجې جوړیږي،
چې چارې به یې د یوې میاشتې په موده کې بشپړې شي.
د لغمان والي شیخ شېراحمد حقاني د اوبو ددغې
شبکې په جوړېدو خوښي وښوده او وې ویل ولایتي اداره هڅه کوي، چې ولسونو ته د اوبو
رسولو په برخه کې د اوبو رسولو امارتي
شرکت سره هر اړخیزه مرسته کوي.
د یادونې وړ ده چې د یادې شبکې اوږدوالی یو کیلو
متر دی، چې د نانکزایو د کلي له څاه څخه د اوبو رسولو تر آمریت پورې پلی او ۱۸۰۰ کورنۍ به یې د څښاک
له صحي اوبو څخه ګټه واخلي.