دونۍ 11 سلواغې 1400 د پروان ولایت چاريکار ښار د 12 مې پارچې سيمې د اوبو رسولو پروژه د پروان ولایت مقام مرستیال ښاغلي مولوي دوست محمد حقاني، د ښاري اوبو رسولو او فاضلابو دولتي شرکت لوی رئیس ښاغلي انجنیر نعمت الله احمدي او د بشري مرستو ټولنې (HAS) موسسې استازي له لوري، چې د دې ولایت یو شمېر سپېنږېرو او اوسېدونکو هم ګډون درلود، د غونډې په ترڅ کې رسماً پرانېستل شوه. غونډه د قرآنکريم د څو مبارکو آیاتونو په تلاوت سره پیل شوه، د پروان ولایت مقام مرستیال ښاغلي مولوي دوست محمد حقاني د دي ولایت اوسيدونکو ته د اوبو رسولو چوپړونو چمتو کولو په موخه د اوبو رسولو شرکت او د دې پروژې تمويلو په موخه د بشري مرستو ټولنې موسسې څخه د مننې تر څنګ، زیاته کړه؛ د ستونزو د هوارۍ او د خلکو د رضایت را جلبولو لپاره به د افغانستان اسلامي امارت له هېڅ ډول هڅو لاس وانخلي. ورپسې، د ښاري اوبو رسولودولتي شرکت لوی رئیس ښاغلي انجنیر نعمت الله احمدي د یادې پروژې جزئیاتو په اړه معلومات وړاندې کړل. هغه زیاته کړه؛ د دې پروژې چارې، د اوبو رسولو شرکت له لوري او د بشري مرستو ټولنې موسسې دفتر په مالي ملاتړ، چې له دېرشو زرو ډالرو څخه په لوړ لګښت، نژدې په درېیو میاشتو کې پلې شوې. د يادونې وړده، چې د دې شبکې اوږدوالی له دوو زرو مټرو ډېر ده، چې پر مټ یې 130 کورنۍ د څښاک پاکو اوبو څخه برخمنې شوې. غونډه د پروان ولایت مقام مرستیال او د اوبو رسولو شرکت مسئولینو له لوري د پټۍ په پرېکولو او د نل خلاصولو او د خیرغوښتنې په دعا سره پای ته ورسېده.
| د پروژې ځای | پروان |
|---|---|
| دپروژې حالت | بشپړې شوې |
| د پیل نېټه | 2021-10-01 00:00:00 |
| د پای نېټه | 2022-01-31 00:00:00 |
| پلي کوونکی | د اوبو رسولو شرکت |
| سلنه | 100 |
| دپروژې قیمت | USD 30000 |
| تر پوښښ لاندې نفوس | 130 کورنۍ |