د
ښاري اوبو رسولو او فاضلابو دولتي شرکت لوی رئیس ښاغلي انجنیر نعمت الله احمدي
لخوا، د اغيزمنو کاري چارو پر مخ وړلو او د اداري پرسونل بشپړولو په موخه لس نوي ګمارل
شوي رئیسان، آمرين او عمومي مديران، معرفي شول او په چارو یې پیل وکړ.
مراسم
د قرآنکریم د څو آیاتونو په تلاوت سره پیل شول، د شرکت لوی رئیس ښاغلي انجنیر
نعمت الله احمدي نويو ګمارل شویو کارکوونکو ته د اغيزمنو کاري چارو پرمخ وړلو په
برخه کې د خدای ج له درباره د بریاوو غوښتنه وکړه، چې د نویو ګمارل شويو کارکوونکو
لخوا په ورسپارل شوو اړوندو دندو کې د قانونمندۍ او ريښتينولۍ ژمنه وشوه.
د
یادولو وړ ده، چې هر یو ښاغلی انجنیر میرویس نظيمي د عملیاتي ریاست سرپرست په حیث،
انجنیر سردارولي ملکزی د پلان او عملياتي آمر په حیث، انجنیر سیف الله احمدي د
سوداګرۍ آمر په حیث، بيژن آرین د بازارموندنې او اړيکو مدیر په حیث، حرمت الله د
کابل زون سوداگري آمر په حیث، وضیح الله خوشحال د سوداگري ریاست د تحلیل او توحید
مدیر په حیث، قاري نیازالدین محمدي د عملیاتي ریاست د څارنې او ارزونې لوی مدیر په
حیث، رستم نظيمي د مالي او اداري ریاست اداري کارمند په حیث، حکمت الله عمري د
دفتر لوی آمريت اداري کارمند په حیث او عمران د معلوماتي تکنالوژي آمريت د ډېټابېس
متخصص په حيث معرفي شول.