د
اوبو رسولو شرکت لوی رئیس ښاغلي انجنیر نعمت الله احمدي لخوا د اړتیا پر اساس او
په اړوندو چارو کې د ځنډ د مخنيوي په موخه لس نوي ګمارل شوي رئیسان، آمرين او
عمومي مديران، د اوبو رسولو شرکت رييسانو، آمرينو او یو شمېرکارکوونکو په شتون کې،
معرفي کړل.
مراسم
د قرآنکریم د څو آیاتونو په تلاوت سره پیل شول، د شرکت لوی رئیس ښاغلي انجنیر
نعمت الله احمدي نويو ګمارل شویو کارکوونکو ته د مبارکي ویلو تر څنګ دوی ته د لوی
خدای ج څخه د لا بریاوو غوښتنه وکړه.
د
یادولو وړ ده، چې په دې پړاو ګمارنو کې مولوي عبدالربي کامران د شمال زون د اوبو
رسولو ریاست سرپرست په حیث، انجنیر ندي الله نیازی د ختيځ زون اوبو رسولو ریاست
سرپرست په حیث، نصرت الله نوري د نشراتو او عامه اړيکو د آمر په حیث، نعمت الله
نعماني د مالي او اداري ریاست د املاکو آمر په حیث، عبدالهادي عمري د تدارکاتو آمر
په حیث، ذاهدالله تلاش د کابل ښار اوبو رسولو لومړي زون آمر په حیث، قاضي صفي الله
عظيمي د کابل ښار اوبو رسولو دویم زون آمر په حیث، یوسف احمدي د تخنيکي ریاست له
پروژو څخه د نظارت انجنیر په حيث، لطف الله عابد د ریاست مقام سکرتر په حیث او
محمد رسول د کابل زون د نشراتو مدير په حيث معرفي شول.