یکشنبه د زمري 23 مه 1401
د ښاري اوبو رسولو او
فاضلابو دولتي شرکت مسجد شریف د شرکت لوی رئیس، د کابل زون او مرکزي رییسانو،
آمرينو او کارمندانو په ګډون او د شرکت د دعوت او ارشاد رئیس ښاغلي مولوي محبت
الله فیضاني د خير په دعا سره رسماً پرانستل شو.
ښاغلي مولوي محبت الله فیضاني
د مسجد جوړولو په موخه د شرکت له مشرتابه څخه د مننې کولو ترڅنګ د اسلام له نظره د
احکامو او په مسجد کې د لمونځ ادا کولو اجر په اړه خبرې وکړې.
ورپسې، د ښاري اوبو رسولو
او فاضلابو دولتي شرکت لوی رئیس ښاغلي انجنیر نعمت الله احمدي مسجد د مسلمانانو تر
منځ د ورورولۍ او یووالي سمبول وباله او د مسلمانانو په منځ کې یې د هغه په ځانګړي
اهميت درلودو معلومات وړاندې کړل.
د یادلو وړ ده، دا مسجد د
اوو سوو زرو افغانيو په لګښت د شرکت له داخلي بوديجې څخه په 200 مټره مکعبه ځمکه کې
ودان شوی، چي په یو وخت کې د 250 لمونځ کوونکو ظرفیت لري.