د ښاري اوبو رسولو او
فاضلابو دولتي شرکت اداري پلاوي غونډه ، د ښاري اوبو رسولو او فاضلابو دولتي شرکت
لوی رئیس انجنیر نعمت الله احمدي په مشرۍ او د شرکت مرکزي رئیسانو او آمرینو په ګډون،
د دې ریاست په مقام کې ترسره شوه.
غونډه د قرآن کريم د څو
مبارکو آیاتونو په تلاوت سره پیل شوه، د ښاري اوبو رسولو او فاضلابو دولتي شرکت لوی
رئیس ښاغلي انجنیر نعمت الله احمدي د اداري چارو او د اوبو رسولو چوپړونو پر چټکولو
ټينګار وکړ، تر څنګ یې له ټولو شپږو ریاستونو څخه د کړنو او لاسته راوړنو منظم میاشتني
راپور غوښتنه وکړه.
همدارنګه د شرکت لوی رئيس
د ټاکل شویو کمېټو د کړنو تعقیب په اړه خبرې وکړې، هغه د شرکت د عوایدو د ورځينۍ
ارزیابۍ په اړه د مالي کمېټې د جوړېدو لارښوونه وکړه.
د غونډې په دوام کې د
شرکت مرکزي رئیسانو او آمرینو په خپل وار په غونډه کې د شته موضوعاتو لکه له اړوندو
ادارو سره د اوبو د تنظيم او مديریت همغږي، له ډونرانو سره بیا ځلي اړيکه ټينګول،
د اوبو رسولو پروژې، په جريمو کې معافیت او د شرکت اداري موضوعاتو په اړه تفصیلي
خبرې وکړې، چې په پای کې له هر اړخيزو خبرو اترو پرې لازمې پرېکړې وشوې.