دوشنبه د تلې 11 مه 1401
هېوادوالو ته د دوامدارو غوره چوپړونو وړاندې کولو او د
څښاک پاکو اوبو تولید او وېش کچې لوړولو په موخه د شرکت اجرايوي غونډه، د ښاغلي
انجنیر نعمت الله احمدي په مشرۍ او د شرکت مرکزي رئیسانو او آمرينو په شتون کې د
دې ریاست په مقام کې ترسره شوه.
دا غونډه، چې د قرآن
کريم د څو مبارکو آیاتونو په تلاوت سره پیل شوه، په پيل کې د ښاري اوبو رسولو او
فاضلابو دولتي شرکت عمومي رئیس ښاغلي انجنیر نعمت الله احمدي د چارو په چټکتيا
ټینګار وکړ. هغه وويل: موخې ته د رسېدو ستر خنډ، په ورځينيو چارو کې ځنډ دی، چې په
هېڅ ډول د منلو وړ نه دی.
همدارنګه د شرکت عمومي رئیس زیاته کړه: د پېرودونکو رضایت
او پر وخت او اغېزمن خدمتونه باید په کاري لوړيتوب کې وي.
ورپسې د شرکت اجرايوي
کمېټې غړو په نوبت سره په اجنډا کې شامل موضوعات لکه مالي او اداري، غېرې اړين
لګښتونو، د پورونو پرېکولو، د اوبو د بې ځایه مصرف مخنيوي، د اوبو لګښتونو په ځنډ
پرېکولو کې د جريمو بښولو او نور موضوعات وړاندې کړل، چې له خبرو اترو وروسته پرې
هراړخيزې وروستۍ پرېکړې او د شرکت مشرتابه لخوا پرې پرځای لارښوونې ترسره شوې.