په ساړه موسم کې د اوبو رسولو اغېزمنو چوپړونو وړاندې کولو په موخه د چمتووالي غونډه ترسره شوه
1401-08-14
شنبه د لړم 14 مه 1401
د چمتووالي په هغې غونډه
کې چې په ساړه موسم کې د اوبو رسولو اغېزمنو چوپړونو وړاندې کولو په موخه جوړه شوې
وه، د ښاري اوبو رسولو او فاضلابو دولتي شرکت عمومي رئیس ښاغلي انجنیر نعمت الله
احمدي وويل: دا چې سړه هوا د شرکت پر فعاليتونو په ځانګړي ډول پر عملیاتي، تخنيکي
او سوداګرۍ برخو مستقیمه اغېزه لري؛ نو ښه چمتووالی او له وړاندې ټاکل شوې منظمې
برنامې کولی شي چې د اوبو رسولو پر چوپړونو منفي اغېزې را کمې کړي.
دا غونډه چې د قرآن عظیم
الشان د څو مبارکو آیاتونو په تلاوت سره پیل شوه، د شرکت عمومي رئیس وویل: د هوا سړښت
د ميتر لوستنې پر پروسې، د لیکيجونو پر ترميم، د ويجاړو شویو ميترونو پر تبديلۍ، د
پمپونو او جنراتورونو پر بیا رغولو او د اوبو رسولو په نورو چوپړونو باید منفي اغېزه
ونکړي؛ بلکې پېرودنکو ته دې په دې موسم کې د هغوی د اوبو لګښت به
کچه د اوبو وېش وخت لوړ شي.
ورپسې، د شرکت رئیسانو او
مسؤلینو خپل نظریات او وړانديزونه د غونډې ګډونوالو ته وړاندې کړل، چې په پای کې د
شرکت لوی رئیس له لورې لازمې پرېکړې ترسره او مسئولینو ته د اړتیا وړ لارښوونې وشوې.