د اوبو رسولو شرکت لوی رئیس
ښاغلي انجنیر نعمت الله احمدي، د پلټنې عالي ادارې استازو او د اوبو رسولو عمومي
شرکت رئیسانو او آمرينو په ګډون، د دې شرکت او د پلټنې عالي ادارې ترمنځ د لا ډېرو
همکاريو او همغږيو د دوام په موخه غونډه ترسره شوه.
غونډه د قرآن کريم د څو
مبارکو آیاتونو په تلاوت سره پیل شوه، د ښاري اوبو رسولو او فاضلابو دولتي شرکت لوی
رئیس ښاغلي انجنیر نعمت الله احمدي په ادارو کې څارنه او پلټنه اړين وبلل او زیاته
یې کړه: د اوبو رسولو دولتي شرکت د خپلو نورو مسؤولیتونو تر څنګ د پلټنې عالي ادارې
سره له پخوا همکاري لري، دې ادارې سره د لا روڼتیا په رامنځته کولو او د مسؤولیتونو
په پلي کولو کې شرکت تل هر اړخیزو همکاريو ته چمتو دی.
ورپسې، د پلټنې عالي ادارې
د بهرنیو مرستو رئیس ښاغلي مولوي محمد غازي د ادارې د پېژندنې تر څنګ د دې ادارې
د فعالیتونو او لاسته راوړنو په اړه وویل:
د دې ادارې موخه د روڼتیا رامنځته کول، څارنه او کنټرول دی، د اداراتو لا همکاري
ورسره د عامه شتمنيو د ساتنې لامل کېږي.
د غونډې په دوام کې، د
دولتي شرکتونو د پلټنې رئیس ښاغلي حمیدالله فقیري او د پلټنې عالي ادارې د پلټنو
پایلو او راپور ورکولو تعقیب رئیس نثار احمد ثبات، د اوبو رسولو شرکت رئیسانو او
آمرينو په خپل نوبت سره د پلټنې عالي ادارې سره د نور ادارو د لا همغږيو څرنګوالي
په موخه خبرې اترې وکړې.
په پای کې د اوبو رسولو
شرکت لوی رئیس د پلټنې عالي ادارې سره د
شرکت هر ډول همغږيو او همکاريو، چمتووالي و ښود.