د ښاري اوبو رسولو او
فاضلابو دولتي شرکت کړنې د متوازن نمراتو کارت د معیارونو پر بنسټ وارزول شوې، په
دې غونډه کې، چې د متوازن نمراتو کارت استازو لخوا جوړه شوې وه، د شرکت مدیره
پلاوي رئیس ښاغلي نعیم الدین عمر، د اوبو رسولو شرکت عمومي رئیس ښاغلي انجنیر نعمت
الله احمدي، د مدیره پلاوي غړو، د شرکت مرکزي رئیسانو او آمرينو ګډون درلود.
دا غونډه چې د قرآن عظیم
الشان د څو مبارکو آیاتونو په تلاوت سره پیل شوه، د ښاري اوبو رسولو او فاضلابو
دولتي شرکت عمومي رئیس گډونوالو ته د ښه راغلاست ویلو تر څنګ له دې پروسې څخه چې د
ادارو کړنې د متوازن نمراتو کارت د معیارونو پر بنسټ ارزوي، ستاینه وکړه، او دا یې
د ادارو د روڼتیا او معیاري کولو په برخه کې غوره ګام وباله.
همدارنګه د شرکت عمومي رئیس
د شرکت د فعالیتونو، لاسته راوړنو او خدماتو په اړه هر اړخیز معلومات وړاندې کړل
او د راتلونکو پلانونو او پروژو په اړه یې یادونه وکړه.
ورپسې د متوازنو نمراتو د
کمېټې پلاوي د اوبو رسولو شرکت د مالي او اداري، سوداګریزو او بشري سرچينو په برخو
کې د ورکړل شویو معلوماتو له مخې پوښتنې مطرح کړې، چې د اړوندو مسوولینو له خوا د
اسناد له مخې هر اړخیز معلومات ورکړل شول.