د کارونو د نظم، د
خدمتونو د چټکتیا او ستونزو ته د رسېدلو، د فعالیتونو راپور ورکولو او د مالي او
اداري نورو مواردو په موخه د اوبو رسولو د شپږ زونونو او د زرنج ښار د اوبو رسولو
له رییسانو سره د شرکت د عمومي رییس په مشرۍ او د مرکزي رییسانو په ګډون انلاین
ناسته وشوه.
دا ناسته چې د کلام الله
مجید د څو مبارکو ایاتونو په تلاوت سره پیل شوه، د ښاري اوبو رسولو او فاضلابو
دولتي شرکت عمومي رییس ښاغلي انجنیر نعمت الله احمدي په ناسته کې ګډونوالو ته د ښه
راغلاست تر څنګ د ټولو زونونو د کارونو پر نظم او کاري بهیر پر چټکتیا تاکید وکړ،
زیاته یې کړه:
د دې لپاره چې پراختیایي
بودیجه تر دې دمه مشخصه شوې نه ده، نو په ټولو زونونو کې دې له شته امکاناتو اعظمي
استفاده وشي. د شرکت عمومي رییس زیاته کړه: د عوایدو او طلباتو راټولونه باید کاري
لومړیتوب شي او د بېځایه مصرفونو مخه دې جدي ونیول شي. د ناستې په دوام د شرکت
عمومي رییس ټولو زونونو سره وعده وکړه، د هغو پروژو کارونه چې ځنډېدلي ډېر ژر به پیل
شي.
د ناستې په دوام د زونونو
رییسانو په نوبت سره د عمومي ریاست په ځانګړي ډول د شرکت د مشرۍ پلاوي څخه د مننې
تر څنګ خپلې ستونزې، وړاندیزونه، اړتیاوې، طرحې او پلانونه وړاندې کړل، چې د مرکزي
رییسانو سره تر بحث او نظرونو تر ادلون بدلون وروسته، د شرکت عمومي رییس اړین تصمیمونه
ونیول او هر اړخیزه لارښوونې یې وکړې.