د ښاري اوبو رسولو او فاضلابو دولتي شرکت عمومي رییس ښاغلي انجنیر نعمت
الله احمدي د دې شرکت په اداري جلسې کې وویل: اداره مو دویم کور دی او موږ مسوول
یو، چې اجراات بې له ځنډه او په ټاکلې موده کې ترسره کړو.
د ښاري اوبو رسولو او فاضلابو دولتي شرکت اداري جلسه د عمومي رییس په مشرۍ
او د مرکزي رییسانو او آمرینو په شتون کې د کلام الله مجید په څو مبارکو آیتونو
پیل شوه، د شرکت عمومي رییس وویل: د کاري بهیر چټکتیا او هېوادوالو ته د اغېزناکو
خدمتونو وړاندې کولو په موخه باید په اداره کې نړیوال اوسني سیستمونه لکه MISپه ځانګړې توګه د مالي
او اداري او تجارتي برخو کې وکارول شي.
ورپسې د شرکت مالي او اداري رییس ښاغلي ضیاءالحق همتي په خپلو خبرو کې
وویل: د لومړنیو څېړنو پر بنسټ د ښاري اوبو رسولو او فاضلابو دولتي شرکت په مالي
برخه کې وروسته له څو کلونو رکود څخه دا دی اوس د ګټې په لور روان دی.
د ناستې په دوام د اوبو رسولو شرکت رییسانو او آمرینو په اجنډا کې راغلو
موضوعاتو لکه: (( د شرکت د جایدادونو د قرارداد غځولو، تړون او لغوه، په ټولو
زونونو او دویمي واحدونو کې د اداري کارونو تنظیم، د پورونو راټولولو څرنګوالي او
د پورونو استملاکونو او طرزالعمل)) باندې خبرې وکړې، له اړینو پرېکړو وروسته د
شرکت مشرتابه محترم مقام لازم هدایتونه وکړل