پر دولتي او نادولتي
ادارو، د رهایشي او تجارتي ښارګوټو او لوړ پوړیزو ودانیو د فاضلابو د تصفیې سیستم
جوړولو جبري کولو په موخه د اوبو رسولو دولتی شرکت او کابل ښاروالۍ
ترمنځ تفاهملیک د ښاري اوبو رسولو او فاضلابو دولتي شرکت د عمومي رییس ښاغلي انجنیر
نعمت الله احمدي او د کابل ښاروالۍ سرپرست ښاغلي مولوي عبدالرشید له لوري لاسلیک
شو.
ناسته چې د کلام الله مجید
په څو مبارکو ایتونو د کابل ښاروالۍ په ودانۍ کې جوړه شوه؛ د اوبو رسولو دولتي شرکت د عمومي رییس ښاغلي انجنیر نعمت الله احمدي د
فاضلابو د مدیریت په برخه کې د شرکت پر مسوولیتونو او د دې تفاهملیک پر ارزښت خبرې
وکړې زیاته یې کړه: د دې تفاهملیک پلي کېدل به د ځمکې لاندې اوبو د ککړتیا څخه
مخنیوی وکړي او د چاپېریال په ساتلو کې به لویه ونډه ولري.
ورپسې د کابل ښاروالۍ
سرپرست ښاغلي مولوي عبدالرشید هېوادوالو ته د غوره خدمتونو په وړاندې کولو کې د
ادارو ترمنځ پر همکارۍ ټینګار وکړ، دواړو لوریو په څو نورو موضوعاتو لکه د اوبو
رسولو د شبکو او سړکونو پر پراختیا خبرې وکړې، په دې برخه کې یې د لا ډېرو همکاریو
ژمنه وکړه.