د ښاري اوبو رسولو او
فاضلابو دولتي شرکت د اجرایه کمېټې ناسته د اوبو رسولو دولتي شرکت عمومي رییس ښاغلي
انجنیر نعمت الله احمدي په مشرۍ د کمېټې د درنو غړو، د شرکت د رییسانو او آمرینو
په حضور کې جوړه شوه.
دا ناسته چې د کلام الله
مجید څو مبارکو آیتونو په تلاوت سره پیل شوه، د ښاري اوبو رسولو او فاضلابو دولتي
شرکت عمومي رییس ښاغلي انجنیر نعمت الله احمدي د تېرې ناستې د پرېکړو اړوند کړي
اجراات وارزول، د مسوولینو له کړنو څخه چې پر وخت یې اجراات کړي و خوښي وښوده.
ورپسې د مقام د دفتر
عمومي آمر ښاغلي احمد شاه ظفر په اجنډا کې شامل موضوعات د ناستې ګډونوالو ته وړاندې
کړل او د اجرایه کمېټې درنو غړو، د شرکت مرکزي رییسانو او آمرینو په خپل وار سره
په ځینو موضوعاتو لکه د خصوصي سکټور او قراردادي شرکتونو سره د شرکت د قراردادونو
غځولو، دیني زدهکړو ته د ګډون کوونکو کارکوونکو د ټاکلي وخت تنظیم او نورو
موضوعاتو بحث او خبرې اترې وکړې، چې په پای کې د شرکت د اجرایه کمېټې درنو غړو هراړخیزې
پرېکړې او اړینې لارښوونې وکړې.