د تفتیش عالي ادارې له
لورې د ښاري اوبو رسولو دولتي شرکت د معلوماتي ټکنالوژۍ د بررسۍ ټاکل شوئ هيئت د
تفتیش عالي ادارې د دعوت او ارشاد ريس ښاغلي مولوي عیسی خان په مشرۍ د اوبو رسولو
شرکت په مقر کې د اوبو رسولو دولتي شرکت محترم مقام، مرکزي ريسانو او
امرينو حضور کې د تفتیش افتتاحیه ناسته ترسره شوه.
یاده جلسه چې د قرآنکريم
د څو مبارکو ايتونو په تلاوت سره پيل شوه؛ د پلټنې عالې ادارې د دعوت او ارشاد ريس
ښاغلي مولوي عیسی خان د رسالت او د پلټنې عالې ادارې د مسؤليتونو په اړه خبرې وکړې
او د اوبو رسولو دولتي شرکت له مسؤلينو يې د همکارۍ غوښتنه وکړه
په دوام يې د ښاري اوبو
رسولو دولتي شرکت لوی رئس ښاغلي انجنير نعمت الله احمدي د پلټنې عالي ادارې د
حضور او هڅو څخه د قدردانۍ ترڅنګ، د اعتماد جوړونې او شفافيت منځته راوړلو په اړه
خبرې وکړې او زياته يې کړه: د پلټنې عالې ادارې مسؤلينو لاسته راوړنې او راپورونه، مسؤلين د ادارې د قوت او ضعف ټکو ته
متوجه کوي او دا چاره د ادارې د پرمختګ باعث کېږي.
همدارنګه د شرکت عمومي
رئيس د هراړخيزو همکاريو وعده او د ټاکل شوي هيئت د برياليتوب غوښتنه وکړه