د ترفیع کارتونو د ورکړې
مراسم چې د قران عظیم الشان د سو مبارکو ایاتونو په تلاوت سره پیل شول؛ په پیل کې
د شرکت لوی رئس ښاغلي انجنیر نعمت الله
احمدي د مننې او مبارکۍ په څرګندولو سره زیاته کړه: ترفیع د یو کارمند د وړتیا او
تجربې کچه څرګندوي؛ نو بنا علمي رتبې او کاري ترفیعات د پرمختګ اصلي عناصر دي.
د شرکت لوی رئس زیاته کړه:
د ښاري اوبو رسولو او فاضلابو دولتي شرکت د خپلو کارکوونکو د ظرفیت لوړونې په موخه
له هیڅ ډول کوښښ او زیار څخه دریغ نه کوي، او د شرکت له کارکوونکو څخه یې وغوښتل د
خپلو دندو ترسره کولو ترڅنګ علم حاصلولو ته هم جدي پاملرنه وکړي، ځکه چې د زدکړې
او تدریس پرته د هیواد د سعادت او ترقۍ بله هیڅ لار نشته،
په پای کې د شرکت ۱۹ تنه
کارکوونکو ته د اتم، فوق او مافوق رتبې ترفیع کارتونه وویشل شول.