د سمنګان ولایت مرکز ایبک ښار د قوچنهال اوبو رسولو پروژه چې پاکو او صحي
اوبو څخه یې (۱۱۶۰) کورنۍ ګټه واخسته، د
ښاغلي انجنیر نعمت الله احمدي له لورې د دولتي ادارو استازو، دیني عالمانو او ځايي
اوسیدونکو په حضور کې د پټۍ په پریکولو سره رسما افتتاح او ګټې اخستنې ته وسپارل
شوه،
یاد مراسم چې د قرانکریم د سو مبارکو ایاتونو په تلاوت سره پیل شول، په پيل
کې د ښاري اوبو رسولو او فاضلابو دولتي شرکت لوی رئیس ښاغلي انجنیر نعمت الله
احمدي د اوبو اهمیت او له صحي اوبو څخه د سالمې ګټې اخستنې په اړه وغږید او زیاته
یې کړه: زمونږ موخه د هیواد ټولو ښارونو ته د صحي او پاکو اوبو رسول دي، مونږ
هوډمن یو ترسو په نویو او معیاري پلانونو سره، لنډمهال، منځمهال او اوږود مهال
کتګوریو کې د افغانستان ټولو ښارونو ته د اوبو رسولو خدمات پراخ کړو،
همدارنګه د شرکت لوی رئیس د پروژې د جزیاتو په اړه معلومات وړاندې کړل او
زیاته يې کړه: د پروژې ارزښت بالغ پر (۲۲) میلیونه افغانۍ دی، د یادې شبکې اوږودوالی
(۱۸۰۰۰) متر (۱۰۰۰) د اوبو د توزیع نلونه لري، د یادې پروژې کار په ۷/۹/۱۴۴۴ نیټه
پيل او په ۳/۳/۱۴۴۵ نیټه پای ته ورسید.
د یادولو وړ ده چې د ښاري اوبو رسولو او فاضلابو دولتي شرکت لوی رئیس د
قوچنهال پروژې له افتتاح څخه وروسته د سمنګان ولایت د اوبو رسولو شبکو تاسیساتو د
او تولیدي سرچینو څخه لیدنه ترسره کړه، او د ستونځو او کاري بهیر پروړاندې د
خنډونو لمنځه وړولو په موخه یې د یاد ولایت کارمندانو ته لازمې لارښونې وکړې.