د کندهار ښار د لویه ویاله اوبو رسولو پروژې د کار پيل پرانستنه
د کندهار ښار د لویه ویاله اوبو رسولو پروژې
کار چې (۷۰۰۰) کورنۍ به يې د څښاک له پاکو او صحي اوبو څخه برخمنې شي، د ماليې
ښاغلي وزیر او د ښاري اوبو رسولو او فاضلابو دولتي شرکت لوی رئیس له لورې د لوړ
رتبه چارواکو، کندهار زون اوبو رسولو رئیس، علماء کرامو، سپین ګیرو او د ځايي
اوسیدونکو د نماینده ګانو په حضور کې د پټۍ په پریکولو سره رسما پرانستل شو.
یاد مراسم د قرانکریم د سو مبارکو ایاتونو په
تلاوت سره پیل شول، د ا.ا.ا د ماليي ښاغلي وزیر الحاج ملا ناصر اخند د اوبو د
اهمیت او د اسلام مبارک دین له اړخه د خلکو د مسؤلیت په اړه وغږید او زیاته يې
کړه: په تیره اونۍ کې د لسګونو نورو عام المنفعه پروژو ترڅنګ د د ښاري اوبو رسولو
او فاضلابو دولتي شرکت لوی رئیس ښاغلي انجنیر نعمت الله احمدي له لورې د ګران
هیواد په شمال او شمال ختیځو ولایتونو کې د اوبو رسولو اوه پروژې پرانستل شوې، او
اوس د کندهار ښار لویه ویاله پروژه پرانستل کيږي، چې د یادو پروژو پرانستل د
اسلامي امارت د مسؤلینو د اخلاص او صداقت ښکارندويي کوي.
د غونډې په دوام کې د ښاري اوبو رسولو او
فاضلابو دولتي شرکت لوی رئیس ښاغلي انجنیر نعمت الله احمدي د ماليي وزارت رهبرۍ
مقام او نورو مسؤلینو چې د یادې پروژې د کارونو پيل کې یې مرسته کړې مننه وکړه، او
زیاته يې کړه : د یادې پروژې لګښت (۴۰۵) میلیونه افغانۍ او د شبکې اوږودوالی (۱۱۱) کیلو متر دی او په
پنځو میاشتو کې به د پروژې کار پای ته رسيږي.
د شرکت لوی رئیس د پروژې د جزیاتو په اړه معلومات وړاندې کړل او
زیاته يې کړه : د دې ترڅنګ د (۲۵۰ او ۳۱۰۰) متر مکعب دوه بابه د اوبو ذخیرې، د
شپږ حلقې څاه ګانو کیندنه، یو باب پمپ ستیشن ، یو باب د جنراتور اتاق، شپږ بابه د
څاه ګانو اتاقونه ، یو باب د محافظ اتاق او یو اداري تعمیر په یاده پروژه کې شامل
دي.
د شرکت عمومي رئیس د یادې پروژې له افتتاح
څخه وروسته د پروژې نیمه کاره تاسیساتو، شبکو د اوبو سرچینو څخه لیدنه ترسره کړه
او په اړه لازم لارښونې وکړې.