د ورځنیو چارو د ښه ترسره کولو، د مدیریتي سیستم
نویو کولو، د شرکت ستونزو او ننګونو د حل په موخه، د شرکت لوی رئیس ښاغلي انجنیر
نعمت الله احمدي په مشرۍ،اجرایوی کمیټې محترمو غړیو، مرکزي رئیسانواو امرینو په
حضور کې د اجرایوي کمیټې غونډه ترسره شوه،
د یادې جلسې په پیل کې ښاغلي انجنیر نعمت الله
احمدي وویل پر وخت د چارو نه ترسره کیدل د
ستونزو اساسي بنسټ دی، او زیاته یې کړه : د معیاري سیستم او عصري ټکنالوژۍ کارول د
چارو په چټکتیا کې مهم رول لوبوي، چارو ته وده ورکول د شرکت ډیټابیس نوی کولو ته
باید لومړیتوب ورکړل شي،
همدارنګه د شرکت لوی رئیس زیاته کړه: د ریاستونو
میاشتني او درې میاشتني راپور کاري بلانونه باید مبتکرانه وي، نوي او د امکان وړ
وي، له تکراري، ضعیف او غیر عملي پلانونو باید ډډه وشي.
د ناستې په دوام کې د اجرایوي کمیټې محترمو غړو، د
شرکت مرکزي رئسیانو او امرینو په ترتیب د کارمندانو د ظرفیت لوړونې، قراردادي
شرکتونو، د فاضله اوبو غیر متمرکزه تصفیه
خانو منځته راوړلو، او د فاضله اوبو د مسلکي انجنیرانو او سافتویر دیپلوپر استخدام
په اړه وغږیدل، د بحث او تبادل نظر وروسته هر اړخیز تصمیمونه ونیول شول او د شرکت
رهبرۍ مقام له لورې اړینې لارښونې وشوې