د شرکت لوی رئیس ښاغلي انجنير نعمت الله احمدي
په مشرۍ د شرکت اجرايوي کميټې محترمو
اعضاوو مرکزي رئیسانو او امرينو په ګډون د اجرايوي کميټې غونډه ترسره شوه.
د ښاري اوبو رسولو او فاضلابو شرکت لوی رئیس ښاغلي
انجنیر نعمت الله احمدي د کاري پروسې چټکتيا په اړه د تاکيد تر څنګ زياته کړه؛ د
ستونځو لمنځه وړلو او خنډونو ته د رسيدنې په موخه لنډمهاله، منځمهاله او اوږد مهال
پلانونو طرحه کول د هر مسؤل ورځينۍ دنده ده؛ نو بناً په توليدي مراکزو او شعبو کې
د مصارفو او په ځانګړي توګه د برښنا انرژۍ
کنټرول، د جایدادونو تشخیص، تصفيه او ساتنه او همدارنګه د عوايدو کچې لوړول
مسؤليت پذيري غواړي.
او په دوام کې ګمارل شوې کميټې د شپږ زونونو،
زرنج اوبو رسولو ریاست، دويمي او دريمي واحدونو، د دريمې ربعې او ورستيو درې اونيو
د تجارتي څانګې مفصل راپور وړاندې کړ، چې د رهبرۍ مقام، اجرايوي کميټې غړيو او د
مجلس ګډونوالو له لورې تر تحليل او تجزيې لاندې ونيول شو،
او په پای کې د د کميټې محترمو غړيو له لورې د متفرقه موضوعګانو لکه د کارمندانو
کلنۍ ارزونه، د راپور ورکونې پلان جوړونې په چارو کې چټکتيا، او د لمريزې برښنا د
تولید په اړه د نظرونه تبادله او هر اړخيزې پريکړې وشوې.