د ختیځ زون ښاری اوبو رسولو او فاضلابو ریاست مربوط لغمان آمريت څخه د اوبو رسولو شرکت لوی رئیس لیدنه
1403-10-23
د ښاري اوبو رسولو او فاضلابو امارتي شرکت لوی
رئیس ښاغلي مولوي غلام الرحمن کظيم د خپل سفر په ترڅ کې د ختیځ زون ښاري اوبو
رسولو او فاضلابو ریاست مربوط لغمان اوبو رسولو آمريت څخه کتنه وکړه.
په پیل کې د ختیځ زون د ښاري اوبورسولو او
فاضلابو رئیس ښاغلي مولوي يارمحمد محمدي د اوبو رسولو شرکت لوی رئیس ته د ښه راغلاست ويلو ترڅنګ د یاد زون د لاسته
راوړونو او پروژو په اړه معلومات وړاندې کړل.
وروسته د شرکت لوی رئیس د ختیځ زون ښاري اوبو
رسولو او فاضلابو ریاست د اغیزناکو چوپړونو وړاندې کولو څخه تر مننې وروسته زیاته
کړه؛ په کار کې ريښتینولي او عمل کې اخلاص د الله تعالی نعمتونو د ډېروالي سبب کېږي
او مونږ باید د الله تعالی د لویو نعمتونو چې یو یي اوبه دي تر خلکو ورسوو او پدې
برخه کې لا ډېر هڅاند واوسو.
همدارنګه د شرکت
لوی رئیس د ختیځ زون ښاري اوبو رسولو او فاضلابو ریاست اړوند لغمان آمريت د اداري
او تخنیکي ستونزو له اورېدنې وروسته په ټولو برخو کې د لاډېرو همکاریو ډاډ ورکړ.